Eiqui teneis l bideo
Mais que la batida, l mais amportante ye l cumbibio i l’almuorço, muita giente darie ua nota para poder star nun sitio cumo aquel adonde fui quemido i inda mais pur la eimenta, que nanhun restourante poderie fazer. Para ls que alhá nun stubírun bou a fazer-ls criar auga na boca.
Eimenta:
Ampeco: chouriça de todas las maneiras, chouriço, pernil, pie i ourelha de cochino cozidos, queiso de baca, oubeilha i cabra, azeitunas, pumientos de l binagre, pan caseiro i muitas mais cousas de que nun mos alhembramos.
Prato percipal: guisado de cochino brabo cun salada de regaho até fartar.
Subremesa: fruta de toda la culidade, café, augardiente i isque.
Dezie assi Manuel Machado, un de ls beteranos destas cousas: Ls de Lisboua i de l Porto ténen l Centro Cultural i la Casa de la Música , i para ls fazer gastórun melhones de euros, mas nada se acumpara a esta paç i a este cunsolo, mas cun ua defrécia mui grande, alhi solo ban ls ricos i anteletuales, mas eiqui puode benir todo mundo, nun será tiempo de pagáren tamien por guardarmos estes sítios? I nun será tiempo de l cobrar la antrada?
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
