L HOIJE ten dado las amboras desta fiesta todos ls anhos, fui assi die 02-02-2008, 02-02-2009 i este anho. Quando benis eiqui a ber l HOIJE , podeis ber siempre las amboras zde hai mais de três anhos, sien faltar un die i son centenas de amboras que teneis siempre a la mano para ber, por esso, nun bou a falar de la Senhora de la Purficaçon , de Nuossa Senhora de las Candeias ou de la Senhora de las Alporcas, porque yá l podeis ber nas amboras de ls anhos atrás, hoije amostra-bos l bideo de la procisson.
Apuis de tenerdes bisto l bideo, cuido que quedestes cuntentos, percipalmente ls que yá muito tiempo nun benis ou mesmo ls que nun podistes star acá, esto para ls de Atanor i de las tierras alredror, porque podeis ber alguas pessonas amigas i podeis ber la buossa Senhora de las Alporcas, que staba tan bien cumpuosta. Ls que nun teneis muito a ber cun Atanor ou cun la relegion, podeis tamien ber ua tradiçon de l Praino i mais ua ambora que amostra bien que cuntinamos a fazer la ligaçon antre todos ls mirandeses.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
