NINA PINTO ( Sónia Pinto ) quier ir al festibal de la cancion de la RTP cun la canti(g)a “O meu coração não é meu”, letra de Augusto Madureira i musica de Marios Gligloris. Stamos a la spera de saber l resultado de la botaçon que acabou die 27 de Janeiro para sabermos se bai a las meias finales.
Mas tener cuncorrido yá fui buono i ye desta moça de l Praino que bos pongo este bideo de la cancion “O meu coração não é meu“. L HOIJE gostarie de bos dar muitas mais amboras, mas inda nun tenemos ls meios que mos fázen falta para trabalhar mais i melhor, mas nun stamos loinje de ls cunseguir. La anternete inda nun stá cuntrolada, mas se stubir, outros modos haberá de defender la berdade i la lhibardade.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
