L HOIJE chega a todo mundo i ten leitores en todos ls cuntinentes, fui de Francia que mos dórun la ambora que outro candidato starie casado an Atanor, nin mais nin menos que outro semi-finalista, porque Nina Pinto stará, assi cumo Gonçalo Tavares, na segunda semi-final que se fará ne ls dies 2 - 4 de Março de 2010, ne l “Campo pequeno”, an Lisboua.
Fumos ambestigar i lhougo çcubrimos que Gonçalo Tavares cantará la canti(g)a “ Rios ” cun letra i musica de sue outorie. Ne l bideo que bos amostro pudeis oubir la canti(g)a. Gonçalo Tavares ye sobrino de José Cid i stá casado cun Edite Pêra Gonçalves, de Atanor. L HOIJE , stá siempre pronto a dar las amboras i a respunder als sous ami(g)os de tols dies, para que este seia un sitio adonde ls que stan loinje púoden saber algo de l Praino.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
