Faç hoije 20 anhos que fui libertado Nelson Mandela, perguntareis que ye que nós tenemos a ber cun esso, tenemos muito, porque son homes cumo este que fázen l mundo melhor. Poderie passar l tiempo i outelizar l poder para fazer mal als que stában acontra el, mas soubo ajuntar todos para bien de l sou paiç. Saber ganhar i saber perder son l que dá balor als homes i que ye l sal de la democracie.
Nun bamos a falar de l que se passou ne l Praino i mui menos ne l que se passa agora, mas fazer todo para que las cousas séien cada beç melhores, porque solo assi Sendin será grande. L HOIJE deixa eiqui este pequeinho cuntributo cumo houmenage a esse grande H ome que fui i ye – Nelson Mandela.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
