Todos ls anhos las scuolas de Sendim fázen na Sesta antes de l die de Antruido un çfile por las rues de la Bila. Todos ls porsores fázen culs sous alunos las sues maçcarilhas i cada un lieba ls sous alunos fazendo-se un çfile de ls bários grupos de alunos. Ye ua alegrie para ls ninos i para la giente que bai a ber.
L HOIJE, cumo siempre, stá presente para dar la ambora i tamien para colaborar cun las scuolas i ls ninos. Sabemos cumo ban a quedar cuntentos al béren que l sou trabalho se puode ber eiqui i muita giente por todo mundo ls bai a ber.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
