Stamos ne l tiempo de las almendreiras an flor, si porque la nuossa Copratiba ten associados de ls cunceilhos de Freixo, Moncorvo, Mogadouro, Miranda i Bomioso. Muita giente nun sabe i se sabe quier fazer de cunta que nun sabe, que la Copratiba ye Copratiba Agrícola i nó Dega de bino. Cumo Copratiba i tenendo mais de 2 300 associados, ye ua fuorça mui grande i muito puode fazer puls agricultores, an todas las atibidades ligadas a la agricultura. Tenemos que trabalhar cun todas las Câmaras para de ua beç por todas fazer cun que la agricultura de la nuossa region ste adonde debe star i al serbício de todos ls agricultores i nó de dous ou três.
Ye de la XVI feira franca de Mogadouro l bideo que hoije bos amostramos que ye l’ampeço de la rota de las almendreiras an flor. La Copratiba bai a alargar la sue atibidade, porque solo cun la ounion de todos se puode ser fuorte para bencir nua eiconomie de crise. Sendin yá ten muita almendreira i nun podemos deixar ls nuossos associados a la mano de sembrar de ls que solo quíeren serbir-se de ls outros.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
