Yá ye uso haber çfile de Antruido, an sendin, cun alguns grupos a partecipar i este anho assi acunteciu. Apuis de l çfile, cada grupo amostra las sues hablidades ne l’adro de la eigreija i a la nuite hai l’anterro de l’Antruido. Sabemos que muito sendinés nun puode star, mas que gusta de saber cumo fui. L HOIJE tamien zde hai três anhos para cá, stá siempre presente para lebar a todos las eimages. Este anho fazimos un pequeinho bideo que cuidamos bos bai a gustar.
De l’anterro yá nun fazimos bideo porque la máquina se cansou, mas bamos a ber se bos amostramos manhana alguns retratos. L die nun staba mui friu, l que fui de admirar porque todo l paiç stá debaixo de ua óndia de aire polar.
Stamos a fazer un trabalho subre l’Antruido yá que tenemos la spriéncia de mais de 50 anhos de partecipaçon, ganhemos l purmeiro prémio de maçcarilhas faç agora 50 anhos. Un die yá bos l’amostraremos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
