L die de ls namorados fui aporbeitado pula câmara de Bomioso i las scuolas de l cunceilho para ancentibar ls ninos a ler i screbir. Fui ua atibidade de la biblioteca munecipal i de la biblioteca de l agrupamiento de scuolas. Para esso la scuola cuntou cun l’apoio de la câmara i de l cunceilho scuolar adonde partecípan ancarregados de eiducaçon, associaçones, pais de ls alunos i las autarquies.
Las atibidades tubírun por base l die de ls namorados i ls coraçones, fui un de ls temas, mas porque las atibidades éran para ninos i adolescentes, altarou-se l nome a las atibidades que, an beç de die de ls namorados, se chamou die de ls amigos. Nun hai nada de special nesto, porque ls namorados dében antes de mais, ser amigos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
