La cámara de Miranda de l Douro bai a eiditar un CD cun las modas de ls gueiteiricos de Miranda, CD que fui grabado tenendo an cunta las recuolhas que Mário Correia, de l Centro de Música Tradicional Sons de la Tierra , fizo ne ls últimos tiempos. L CD será lançado ne l die 3 de Abril pulas 16h30, na Casa de la Cultura , an Miranda.
L CD bai a apresentar las spriéncias de ls moços gueiteiros de ls cunceilhos de Miranda, Mogadouro i Bomioso, l que irá a amostrar las defréncias antre las modas de ls trés cunceilhos. L lançamento de l CD será tamien amportante para ancentibar ls gueiteiricos a cuntináren a mantener l’hábito de tocar la gaita de foles i procuráren einobar, tanto nas musicas cumo ne ls modos de tocar.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
