La scuola Secundaria Martins Sarmento de Guimarães fizo ua bejita de studo al Praino i durante dous dies tubírun un programa bien porparado, tenendo sido apoiados por la AEPGA (associaçon de ls burros mirandesa), que ourientou la bejita i por la associaçon Palombar, que ls acumpanhou nas bejitas als palombares recuperados de l Praino.
La ACR de Atanor proparou-le ls comeres i la Câmara cediu las anstalaçones de la pousada de la mocidade de Barrocal de l Douro. Durante l die 24 bejitórun ls palombares de l Praino i las anstalaçones de la AEPGA , adonde houbo ua palhestra i fazírun ua bejita guiada a la cerca de ls burros.
Fúrun acumpanhados pula musica de las gaitas de foles i a la nuite houbo ne l salon de la ACR de Atanor, musica tradicional i leçones de bailes tradicionales i cumbibio culas pessonas de la aldé. Die 25 bejitórun la cidade i alguas aldés i sítios de anteresse de la region.
Manhana tenemos “L burro i l Gueiteiro” puls cunceilhos de Miranda, Mogadouro i Bomioso l que amostra la bitalidade de la nuossas associaçones.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
