La poesie marcou la sue preséncia na cidade i l mirandés tamien. La bereadora de la cultura antregou pulas scuolas, postales un poesies, als alunos i cun l’ajuda de ls porsores fizo un trabalho de sensiblizaçon para la poesie i para l mirandés, lhéngua que cada beç mais ye acarinada por todos.
Tamien l triato fui ambora ne l Praino i ne l multi-usos de Miranda houbo la representaçon de “ La pinga ye la culpada ” i houbo tamien diálogos an mirandés i ninos, porsores i pais deliciórun la muita giente que fui al multi-usos cun las sues poesies. Todo esto ye possible porque inda hai giente que gusta de la lhéngua i de la cultura i faç l que gusta.
Tamien fui anteressante ber giente de bárias aldés, tanto a ber cumo a partecipar.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
