Tols anhos se faç an Sendin la procisson de la Carreira , que ye la procisson an que sal la eimage de Santo Cristo, ua de las preciosidades de la nuossa eigreija i de l Praino, yá que se trata de ua eimage de l sec.XIII ou XIV.
Esta procisson ten yá muitos anhos i ls cánticos de ls homes i de las mulhieres son tamien ua relíquia de la nuossa cultura, porque ye un cántico an que l pobo todo, que bai a la procisson canta i ye percipalmente para oubirdes esse cántico que bos pongo este bideo, tal cumo l fiç acumpanhando la “Carreira”.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
