Solo puode star bien anformado quien percurar anfuormaçon, mas para esso ye perciso que todos téngan ls meios para saber percurar i que la anformaçon i eiqui, you quiero dezir –toda la anformaçon- steia çponible. Ye por esso que la libardade de anformaçon ye tan amportante, assi cumo la oubrigaçon de cada un la poner a la mano de sembrar de todos.
Tamien hai que tener cuidado cun la anformaçon que se dá para nun dar anformaçon arrada, mas assi i todo l peor ye siempre l segredo, la grande malina de las sociadades, porque faç las pessonas bibir debaixo de l miedo i tenéren muitas bezes de tener que parecéren l que nun son.
Esta nuoba saqueila de www.terra.es i l’outor dezie que la habie bisto an Dailymail. L HOIJE , cumo stá atento a todo l que puode anteressar a las pessonas, ou porque sabe que a todo mundo l gústan las curjidades, ou porque puode ser ua cousa buona para ajudar la agrucultura que passa por grabes porblemas, eiqui bos la damos.
La atriç Emma Thompson cun ua
L cochino para alhá de la curjidade, parece que bal 1 000 euros cada un i hai yá atrizes que ls ténen i ls lhíeban cumo outros fázen culs perros. La lana, ou l pelo aparecido cun la lana ye mui outelizado para iscos de pesca. L cochino ye de la raça “mangalitza” i ye oureginário de la Áustria i Hungria i puode ser bisto nun zoo de l Reino Ounido.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
