Las obras cuntínan i l Praino bai quedando melhor, la crise ye de ls bancos i de la politica, todos ls dies mos azucrínan la cabeça cun amboras de la crise, mas l percipal de la crise ye nun se pensar mais ne l que cada un puode fazer do que ne l ls outros púodan fazer por nós.
L IC5 stá an Cabeça Lubreira
Apuis de bos habermos amostrado las obras de las barraiges, cuntinamos a amostrar hoije las obras de l IC5 que ne l anho que ben deberá ampeçar a abrir alguns cachos, porque stá a ser feito por ampreitadas de mais ou menos 24km i cada ua por sou sub-ampreiteiro.
De Prado Gaton a Dues Eigreijas tamien yá ampeçou
Mas nun son solo estas obras que traíen cientos de trabalhadores para l Praino, mas tamien las pequeinhas obras cumo la nuoba antena para comunicaçones que bai a serbir la GNR , la Proteçon Cebil i ls Telemobles i que stá a ser feita an pie de la Cruç de la Canada , que ajúdan la giente a fazer caçuada de la crise.
Ls trabalhos na Cruç de la Canada
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
