Realizou-se an Miranda de l Douro mais ua eidiçon de la Sumana Gastronómica de l Bacalhau. Un eibento que pretende traer turistas pul quemer, para apreciar un de ls perdutos mais caratelísticos de la cozina pertuesa.
“Este anho mantene-se todo cumo ne ls anteriores. Ls dieç restourantes aderentes ban a tener 28 pratos defrentes, que normalmente nun fázen parte de ls quemeres de l die”, splica l persidente de l'associaçon comercial de Miranda, César João, qu'ourganiza la Sumana de l Bacalhau, dezindo inda, que l'eibento se çtina subretodo a chamar turistas spanholes.
“L'oujetibo percipal ye traer turistas, subretodo spanholes. Porque l turismo nacional nun ye fácele para eiqui. La promoçon an Spanha stá a ser feita de puorta-a-puorta”, splica.
L'eibento bai cuntar cula participaçon de la Cunfrarie de l Bacalhau de Ílhabo que bai a dar alguas anformaçones als restourantes locales subre la melhor forma de fazer ls pratos cun este peixe, cumo diç César João.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
