Stá cada beç mais acerca l die na que la outo-strada trasmontana quedará pronta l que fará cun que l tiempo para ir de Bila Real a Bergáncia bai a ser la metade de l que ye hoije. Todas estas obras son fundamentales para que la nuossa region deixe de star tan eisolada i abre muita salida para l zambuolbimento de Trás-ls-Montes. Las obras cumo tubimos la ouportunidade de ber hoije stan a ir cun toda la fuoça, mas neste anho ban a criar alguns porblemas a quien anda tols dies pul IP4, mas l melhor ye ber l bideo para ber l que diç l respunsáble por la obra.
Para ls que gústan pouco de ber ls bideos, siempre bos dezimos que, l que l respunsáble diç ye que la outo-strada bai a quedar muito acerca de l IP4 i esso bai a fazer cun que téngan que se ancuntrar las dues stradas alguas bezes i hai que fazer biadutos l que oubriará a zbiar l transito, nalguns sítios por outras stradas, mas cumo el diç, quando se fázen obras an casa, tamien hai que la tener zarrumada por alguns dies.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
