Para alhá de la fanfarra Sanfins ten muito para mos amostrar, para quien quejir passar bacanças an Pertual alhi podeis comer l melhor pan i mel de la Region i beber l famoso bino Moscatel. Podeis bejitar la Casa-Museu Maurício Penha i la citánia.
La Citánia de Sanfins ye un de ls locales mais amblemáticos de la Cultura Castreija de l Noroeste Peninsular. Sendo ua de las grandes citánias de l Antre Douro i Minho, ye un de ls melhores eisemplos de l proto–ourbanismo de la II Eidade de l Fierro.
Tamien ten la sue fiesta i bien amportante, la fiesta de la Senhora de la Piadade.
Esta ye la mais cuncorrida i amportante romarie de l cunceilho de Alijó. Sanfins de l Douro biste-se nesse die de tradiçon para celebrar la fiesta an honra a la Senhora de la Piadade , santa padroeira de la tierra.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
