Mais ua fiesta de San sebastian i mais ua ouportunidade de ls sendineses se ajuntáren i de las familhias coméren l’almuorço de un die de fiesta todos juntos. Hai siempre quien querga dezir que esto yá nun ye cumo dantes, porque las sues familhias yá nun son assi, mas nós que ouserbamos, bemos que inda hai muita giente que faç de ls dies de fiesta un die de la familhia.
Se outra rezon nun houbisse ye ber la familhia de ls bumbeiros que neste die se ajunta i cumbibe, para alhá de tenéren que fazer la fiesta. Ende teneis l bideo de la fanfarra i manhana podeis ber la procisson, que para ls que stan pul mundo ye un modo de béren ls familhiares i amigos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
