(O vento prejudicou o som pelo que pedimos desculpa, tire ou abaixe o som nas interferências)
Mais un Festibal de Folclore na Bila de Sendin ye la VI eidiçon i este anho tubo 5 grupos, Grupo de Pauliteiros de Sendim , Rancho Infantil “Velhos Costumes de Molelos” de Tondela, Rancho Infantil de Sendim , Grupo “Granja do Ulmeiro” de Soure i Rancho da Casa do Povo de Barqueiro – Mesão Frio. Fui ua guapa tarde de Folclore para toda la giente, ne l Largo de la Eigreija.
Cumo bos habiemos dito ende bos quédan ls nomes de ls nuobos mardomos de Santa Barbela:
- Alcino Arribas
- Alcino Castro
- Anselmo Felgueiras
- Armandino Pires
- Bruno Martins
- César Picotês
- Graciano Paulo
- Jorge Ferreira
- José Esteves
- Manuel André
L’anho passado ls mardomos fazírun un quadro, que ouferecírun a las antidades que colaborórun cun la fiesta i las ouraciones fúrun por nós recolhidas de la tradiçon, ye desse quadro l retrato que bos amostramos. Esta ouracion ten un erro, onde stá do caminho ye no caminho .
Tamien muitos de ls retratos de la rebista deste anho son de l HOIJE, para nós ye ua satisfaçon ber que l nuosso trabalho ye apreciado por muitos de ls sendineses. Tenemos bisto muitos quadros i retratos an muitas casas i anstituiçones, mas la más de las bezes, las pessonas pagórun por eilhes a outros, quando son nuossos. Mas l que amporta ye que le gústan i ls pónen an casa.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
