Las fiestas de Sendin tamien ténen muita cousa li(g)ada a la cultura i a la tradiçon i na Segunda fui nuite de triato na Praça de la Bila. La bida de Santa Barbela representada por moços i moças de Sendin i alredrores, obra screbida pul nuosso sendinés Emílio Martins i que ajuntou muita giente para assistir.
La Praça ye yá un sitio mui amportante nestas cousas de l triato i de ls quelóquios, que fui siempre ua atibidade cultural de la nuossa giente. Mas tamien las Eiras serbírun para outras representaçones que ajuntórun tamien melhares de pessonas, mas debemos lembrar eiqui l Grupo Cénico de Sendin, que ne ls anhos 60 tenie ua atibidade regular i eran diretores Manuel Cardoso Rodrigues e António Camilo Almendra, que stában tamien na Cunfréncia de San Bicente de Paulo, que apoiaba ls mais necitados desse tiempo.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
