Solo quien yá fui mardomo dua fiesta, sien tener possiblidades de botar mano als denheiros de todos nós, ye que sabe l que custa fazer ua fiesta. Muitas tierras por Pertual fázen fiestas marabelhosa cul trabalho de ls mardomos que todo fázen para arranjáren denheiro para que la fiesta seia di(g)na de la sue tierra.
antrada de l restourante
L bar
Mas tamien bemos muitas fiestas feitas culs denheiros públicos, que las juntas i câmaras fázen, mais para ganháren botos que cun l berdadeiro sentido, que ye la sana cumbibéncia de l pobo i muitas deilhas sírben mais para debedir la giente que para la ajuntar.
L que habie para comer
Ls mardomos de la fiesta de Santa Bárbela de Sendin, zde toda la bida ténen sido un eisemplo para todo mundo, porque durante un anho de mandato, sírben la mardomie dando l melhor de l sou trabalho i saber para fazéren la fiesta. Serbir ye un ato de berdadeira cidadie i poucos poderán eisercé-lo muitas bezes seguidas, mas hai siempre outros que le síguen l’eisemplo.
todos a assar la puosta
Fumos ber cumo porparórun l sito ne l Naso, para ajuntáren denheiro para la fiesta, todo mundo trabalhaba, homes i mulheres i até ls filhos para serbíren ls peregrinos. Esto faç pensar i perguntamos nós:
- Un mandato chega para fazer muita cousa i muita giente ye chamada a partecipar anho atrás d’anho i poucos quíeren repetir, porque será que la maiorie de ls que ban para las juntas, cámaras i goberno, nun quíeren salir d’alhá?
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
