La maior romarie de l Praino i ua de las maiores de l Nordeste ye la romarie de l Naso que queda antre las aldés de la Speciosa i de la Pruoba de l cunceilho de Miranda de l Douro. Bamos a ber se poderemos poner l bideo de la procisson para ls mirandeses que nun podírun star i para ls outros leitores de l HOIJE béren cumo ye i ganháren ganas para beníren pal anho.
De todas las aldés de l Praino acuorre giente a esta romarie i muita giente de la tierra Alistana de la nuossa bezina Castilha-León. La deboçon a Nuossa Senhora cada beç ye maior, porque son melhares las pessonas que assísten a la missa i ban a la procisson cumo podeis ber puls retratos.
Mas tamien hai feira adonde nun falta nada, ls animales fúrun sustituidos puls tratores i agora ls lhabradores ándan alredror deilhes cumo d’atrás andában atrás de las bacas i burras. L fuogo ne l fin de la procisson fui cumo d’atrás, ua scarga baliente porque fiesta sien fuogo nun parece de berdade.
Tamien houbo animaçon i un grupo de cuncertinas "Amigos do Vitó" animou la giente a la tarde i ye dua moda deilhes, l bideo que bos amostramos na fin desta ambora. La puosta nun faltou assi cumo l buono bino de la nuossa region.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
