LA SENHORA DE L NASO (cunta)
Stando un pastor cul sou ganado, pals lhados de l Naso, apareciu-le Nuossa Senhora que l pediu para le costruir ua capielha naquel sitio, amostrando-le por meio de ua procisson de lhuzes, adonde la deberie fazer. L pastor nun quijo, cun miedo de la sue tie, mas Nuossa Senhora cuntinou a pedir-le para la fazer. L pastor acabou por le dezir a la sue mulhier, mas siempre cun miedo qu’eilha nun quejisse i fui l que sucediu, la mulhier nun quijo. Mas quedou, zde esse die, tolheita nua cama i pensando que serie por bias de nun deixar costruir la capielha, que quedou assi, la mulhier prometiu que si fazerie la capielha se Nuossa Senhora la curasse. Mal fizo la pormessa, quedou sien mal nanhun i al outro die ampeçórun las obras de la capielha. Dízen que durante las obras, ls buis assi que cargában ne l carro, las piedras para la capielha, íban dreitos alhá sien precisáren de boieiro i tornában a por mais, a casa de ls duonhos.
(de la tradiçon popular)
Estando um pastor com o seu gado, para os lados do Naso, apareceu-lhe Nossa Senhora que lhe pediu para fazer uma capela naquele sitio, mostrando-lhe por meio de ua procissão de luzes, onde a deveria fazer. O pastor não quis, com medo da sua mulher, mas Nossa Senhora insistiu para que a fizesse. O pastor acabou por dizer à sua mulher, mas com receio que ela não quisesse e foi o que acabou por suceder, a mulher não quis. Mas ela ficou, desde esse dia, tolhida numa cama e pensando que seria por não ter deixado fazer a capela, que ficou assim, a mulher prometeu fazer a capela se ficasse curada. Mal fez a promessa, ficou curada e no dia seguinte começaram as obras da capela. Dizem que durante as obras, os bois assim que carregavam no carro, as pedras para a capela, iam direitos lá sem precisarem de boieiro e regressavam por mais a casa dos donos.
(da tradição popular)
