L HOIJE nun ye solo para dar amboras, mas tamien para pormober la cultura i poner las pessonas a pensar nas realidades de l que bai acuntecendo pul Praino i ne l Çtrito, porque ye de todos nós la respunsablidade, se las cousas stubíren mal i nada fazirmos ou creticarmos. La purmeira ambora dá que pensar.
pabelhon de Mogadouro
Son estas las eiquipas que ban a jogar l FUTSAL ne l campeonato Çtrital:
Carviçais
Felgar
Mirandela
Moncorvo
Pioneiros (Bragança)
Poiares
Roios
Santo Cristo
Torre Dona Chama
Vila Flor
E muitas outras aldés ténen pabelhones çportibos, Sendin ten un pabelhonico na scuola, que mal dá pals ninos. Sendin ampeçou por ser la purmeira tierra a tener todo, zde uns anhos para acá, cuntenta-se cun cousicas. Inda bai jogando l campeonato Çtrital de 11, mas cun balneários de terceiro mundo.
Bai a ser assi l futebol an Sendin
Ye hoije ne l salon de la Cámara de Miranda de l Douro, la assinatura de un protocolo de ajuda antre la la outarquie i l eixército. Para ls ex-cumbatentes yá bai a ser mais fácele tratar de ls sous porblemas cul tiempo de tropa para la reforma i pals nuobos bai a ser mais fácele podéren saber cumo cuncorrer a beluntarios ou a cuntratados.
Tamien l Presidente de la Cámara bai a fazer reuniones pulas bárias tierras de l cunceilho, para saber de ls percipales porblemas, speramos que las reuniones séien cun las fuorças bibas i nó culs politicos, que solo pénsan ne ls ami(g)os i ne ls botos.
L canil munecipal, na zona andustrial de Bomioso i que ye de todo l Praino, bai a ampeçar a funcionar ne l més de Outubro, bamos a ber se ls perros déixan de andar por ende cumo quiera.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
