Reuniu hoije an Balpaços la Comisson Bitibinicola Regional de Trás ls Montes, para aprobaçon de l plano de atibidades para 2008 i para celebracion de un protocolo de colaboraçon cun la Comisson de Ls Binos Berdes.
L protocolo fui assinado ne l einicio de l almuorço, onde stubo l presidente de la Câmara de Balpaços.
Ls presidentes de las Comissones al lado de l presidente de la Câmara
Ls diretores de la Cooperatiba de Sendin
A seguir al almuorço fizo-se ua proba de binos comentada, cun einologos de las dues regiones i an que ls nuossos melhores binos stubírun presentes i fúrun mui apreciados, percipalmente l branco.
La sala de probas
Ls binos presentes
Cumo era tamien la feira de l folar de Balpaços, stubo l secretairo de stado de ls tranportes que assinou tamien un protocolo cun la Câmara. Mais ua beç la nuossa Copratiba stubo presente na promoçon de ls nuossos binos i na defensia de la nuossa region.
La chegada de l secretairo de stado
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
