Abriu onte la feira de las arribas an flor , que ye ua feira an que se bénden ls perdutos regionales zde l fumeiro al folar i de l artesanato als binos de la nuossa region i al azeite.
La einauguraçon fui a las 15h i stubírun las outoridades ouficiales de Sendin i l persidente de la Junta de Freguesie fizo la apersentaçon i a seguir dançórun ls pouliteiros i l grupo de danças de Sendin.
La apersentaçon
La giente nun era muita, mas manhana i passado son ls dies an que mais giente se ajunta. Ls spositores stában bien i tenien muita bariadade de cousas.
Alda Manhonha tamien staba i tenie un cartaç bien anteressante:
Feito a la nuite i cun anganhos.
L sitio de Alda Manhonha
L artesanato de ls artimanhos an punto pequeinho
A meio de la tarde dou-se l folar, fruitos secos, doces i bino de la region a todos ls besitantes i dançadores.
Todas estas einiciatibas son amportantes, mas ye perciso que cada beç mais las pessonas partecípen.
La proba de l folar i de l bino
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
