Ampeçorun las obras de l núceo rural de las arribas , an Sendin. Estas obras anquádran-se nun porjeto, para dar a Sendin mais culidade i melhores meios para l festibal antercéltico, para recebir ls turistas i para se tener un spácio onde se puodan fazer outros festibales i fiestas durante todo l anho.
Las obras nas eiras
L arranjo de las eiras ye ua obra de la Associaçon Mirai Q’alforjas i cumo yá screbi eiqui, ne l die 02 de Outubre, onde mostrei las plantas de l porjeto, bai a ser muito amportante para l festibal antercéltico. Stá yá a ser feita i speramos que este anho yá se faga alhá l festibal.
L sitio de l palco
Ls jornales fálan de las obras de todos ls sítios, mas de Sendin parece que nun se lémbran, mas l hoije bai anformando todos ls sendineses que besítan l SAL ( S endin A n L inha – sitio na anternete).
Mas nun ye solo l arranjo de las eiras, ye tamien la casa de ouficios de l núcleo rural de las arribas , obra de la junta, na casa bielha de la junta.
La casa de oufícios
Esta bai a ser la casa de apoio al núcleo rural.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
