Yá zde l percípio de l anho que ampeçórun ls ansaios de l grupo coral de l Ciclo de Sendin. Ye mais ua atibidade de ls porsores i para quien inda pensa que ls porsores solo l son, porque ye ua maneira de ganhar denheiro, stan bien anganhados. Hai muitos i buonos porsores, que para alhá de las horas de scuola, dan muitas outras horas als alunos i a la quemunidade.
L Grupo Coral a cantar
Son l’acumpanhamento als alunos an muitas situaçones, ne l çporto, na sue bida personal i an muitas atibidades para alhá de la scuola. An Sendin hai muita atibidade de que naide se dá cunta, mas que faç de la nuossa Bila ua tierra de porgresso. Para ls que dízen que nun tenemos alunos, ye mirar para ls retratos. Nun ye la telbison que diç, nós tenemos.
Ls alunos ajuntórun-se tamien
Cantórun-se ls reis
Mas nun son solo ls porsores, son tamien ls ampregados i ls alunos. Poucas scuolas de Pertual se puoden ourgulhar de tener ua cumbibéncia cumo las scuolas de Sendin, tamien hai alguas dibergencias, mas esso ye natural, porque hai liberdade de oupenion i respeito por las defréncias. Mas alunos i porsores son ua familhia.
L Cunseilho Diretibo oubiu i pormetiu
Abriu la biblioteca i l grupo coral i ls alunos pedírun ls reis. L HOIJE nun bai a faltar a la einauguraçon ouficial de la biblioteca de la scuola, porque para esse die fúrun pormetidos ls reis.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
