L Ciclo yá ten ua biblioteca moderna, que ten benido a ser anstalada i que yá abriu para ls alunos i porsores. Mas inda falta fazer ls arremates i recebir mais libros que dében chegar por estes dies. Mas cumo yá ten muita cousa, stá yá al serbício de todos, mas la einauguraçon solo se bai a fazer quando todo stubir pronto.
Ls porsores ne l momento de la abertura
L persidente de l cunseilho diretibo i Manuel Ferreira
La abertura serbiu para todos, porsores, alunos i ampregados podéren ber las anstalaçones i la funçon de todos ls cantos i stantes i assi dáren la sue eideia subre l que inda se puode melhorar antes de la einauguraçon. Ye l que l Persidente i Manuel Ferreira, stan a fazer.
Ls alunos ban yá outelizando ls sítios
Las porsoras Orquidea i Justina tamien stan preacupadas
Fui anteressante ber ls porsores i alunos a comentar i a dar la sue eideia subre las funcionalidades de la biblioteca. Ye ua cousa mui amportante para l Ciclo i para Sendin. Para alhá de libros ten DVD’s, CD-Rom’s, bideos i sitio de anternete. Tamien ten ua parte de libros para ninos i de libros de léngua mirandesa.
Alunos i porsores fálan
L sitio de la anternete
Las stantes
Esta ye mais ua de las obras que nun se béien, mas que Sendin ten, faç i mostra. Todos ls sendineses se dében ourgulhar de la sue tierra. Mas quando oubirdes falar que nun tenemos nada ou que ls outros ténen, mostrai i mandai-los a benir a ber.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
