Mais un die de futebol i l Sendin perdiu 6-1 cun l Talhas. Este anho parece que l G.D.S. quier ir a la liga dels últimos, talbeç para poder aparecer na telbison ou para fazer la buntade a dous ou trés que solo quieren l mal de Sendin.
L Sendin bai a marcar l purmeiro golo
L Sendin ampeçou a ganhar, porque lougo fizo 1-0 i tubo possiblidades de fazer l 2-0, mas dues anflecidades seguidas del guarda-redes, que até ye de Sendin, puso l Talhas a ganhar por 2-1. I cousa solo bista an Sendin, ampeçórun a chamar denomes als jogadores del Sendin a puntos de dous salíren del jogo, antregando las camisolas.
L Talhas ampata
Nun clube an que ls jogadores nun ténen ourdenado i inda por riba séren tratados desse modo, nada mais se puode sperar. Mas nun ban a ser dous ou trés que ban a fazer acabar cun l G.D.S. para podéren satisfazer ls sous anteresses i yá todos sabemos bien quales son.
L Sendin inda tentou…
Mas l Talhas cuntrolaba l jogo
Ls dies ténen benido mui calientes, durante l die i frius a la nuite, bai a ser un anho malo para la agricultura, ye mais ua ajuda para la crise.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
