Mantener todos ls dies un sitio cumo este nun ye fácele i anton an mirandés inda mais defícele ye. Sei que muita giente gusta de l HOIJE porque ye ua refréncia para ls sendineses i ultimamente para todos ls mirandeses. La léngua ye amportante i solo giente special cunseguie perserbar ua léngua durante tantos anhos.
La câmara de Miranda
Quando l menistro de la cultura dixo que ls que falában l mirandés éran cumo ls gauleses de l Asterix, solo errou nua cousa. L Asterix ye ua ambençon, mas que muita giente pul mundo adora ler, mas nós somos un pobo real a amostrar que ye possible un mundo desses. Debie haber dito que l Asterix se anspirou na giente de l Praino.
Las státuas ne l largo de la câmara
You nun acradito que l menistro mos quejisse apoucar, porque naide apouca naide i nun tenerie essa antençon i muito menos ganharie algo cusso, quando muito usou palabras menos felizes, porque hai giente que solo stá bien a achar faltas als outros.
La sé de Miranda
Dei esta ambora porque muito se fala de l que dixo l menistro, mais para alguns se amostráren que para bien de l mirandés. Mais ua beç querie dezir que debemos eibitar las debisones antre nós, mirandés i sendinés son la mesma léngua i se se chama mirandés ye porque l Praino siempre fui tierra de Miranda, antes de la cidade se chamar Miranda.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
