A LA CUMBERSA CUN …
Ampeçamos hoije outra atibidade de l HOIJE que ye un ciclo de cumbersa cun pessonas de Sendin ou que eiqui trabálhan i subre ls porblemas ou la cultura de la nuossa tierra ou alredores. Cumo la cumbersa ye cumo las cereijas, ampeça-se i nunca se sabe quando ou cumo acaba, teneremos que la publicar an mais que un die.
António Bárbolo Alves
L nuosso anterlucotor de hoije ye nin mais nin menos que l doutor António Bárbolo Alves, porsor na scuola EBI de Sendim de la qual ye porsor de l quadro. Ye natural de Picuote, ten 44 anhos, licenciado pula Ounibersidade de l Minho onde tamien fizo l mestrado i tirou l doutoramiento na Ounibersidade de Tolouse.
L libro de la sue tese de doutoramiento
Ten feito un grande trabalho ne l nuosso cunceilho na defénsia de l mirandés i ten sido l diretor de l Centro de Studos António Maria Mourinho, diretor de la rebista Tierra de Miranda i faç parte de grupo de Studo de la Lhéngua Mirandesa assi cumo de la comisson anstaladora de l Anstituto de la Lhéngua i Cultura Mirandesas.
La rebista Tierra de Miranda
Comisson ciantífica
La purmeira pergunta fui se coincie l HOIJE i se starie dispuosto a falar un cachico cun nós subre la léngua i la nuossa scuola i inda se mos poderie dar algun cunseilho subre l HOIJE .
- Yá conheço l HOIJE i ye amportante por ser an mirandés, quanto a falar subre la scóla i l mirandés stou siempre çponible, bonda arranjar ua hora para isso. Manhana falaremos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
