I ESTA?
Nin siempre ye fácele tirar retratos destes, mas quando dízen que ls jornalistas son l quarto poder i son capazes de todo para dar anformaçones, stan a dezir la berdade. Tamien l HOIJE yá ye a modos que un jornal i para dar las amboras bai a saber deilhas adonde ye possible. Yá bi mais que un bando de perdigotos, estes fúrun retratados an Sendin.
La perdiç cun ls sous perdigotos atrás
Quando l jeep apareciu, mal tubírun tiempo de salir de l camino i debrebe se fúrun arrimando para l lado, mas nun daba mui bien para se scundéren lougo i tamien tubimos que parar para l tirar l retrato sien fazer muito alarido. Fui assi que dou para le tirar ls retratos i cuntar-los.
Éran nin mais nin menos que doze
Yá solo son onze
Un lougo zapareciu i quando la maquina staba porparada para l tirar l retrato de mais acerca yá solo éran onze, mas serie berdade? Acerquemos mais la oujetiba i éran mesmo onze, l mais fino yá se habie scundido. Parece que l tiempo fui muito, mas nó, lougo zaparecírun i de tal modo que nun ls tornemos a ber.
Cuntai-los bien
L’outro stá ende amarrado, yá l bistes?
Bien antentei an tirar un retrato dun deilhes amarrado, mas nien senha. Yá ampéçan a ber-se pul termo i por bários sítios, que todos fágan cumo nós i ls déixen ir an paç.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
