REBORDELO – 3
SENDIN ------- 4
Apuis de tener ganho al Mirandés, que era l terceiro, fui agora a Rebordelo ganhar al que tenie sustituido l Mirandés ne l terceiro lugar. L Sendin cun ua eiquipa de moços, ua de las mais nuobas de l çtrital, ten benido a jogar cada beç melhor i cumo l anho passado, que fomou barios jogadores, este anho ten yá un bun grupo de moços, para l anho.
L Sendin bai a einaugurar l marcador
Ne l jogo de hoije la maiorie yá eran jogadores de Sendin i alredores. Ye amportante dezir esto, porque inda hai quien nun querga ber l trabalho de ls sendineses.
L jogo ampeçou cun la eiquipa de Sendin, moralizada por la bitória subre l Mirandés, a querer ganhar l jogo i l 0-1 a fabor de l Sendin acunteciu als 37m. Mas l Rebordelo faç 1-1 mesmo al acabar la purmeira parte.
L Rebordelo bai ampatar
Ne ls purmeiros minutos de la segunda parte, l Rebordelo bino cun mais fuorça i fizo l 2-1 , mas fui cumo un remédio para l Sendin, que zde esse golo passou a ser la melhor eiquipa.
L 2-2 inda animou mais l Sendin i passados 3m fizo l 2-3 . L Rebordelo zapareciu de l jogo i als 87m l Sendin faç 2-4.
L Sendin atacou mais i ganhou
La bitória de l Sendin era mais que justa i solo faltaba l árbito acabar l jogo, mas ne l tiempo de descuntos, als 93m, l Rebordelo nua falha de la defensia de l Sendin acabou por fazer l 3-4 , que fui l resultado final.
L Sendin yá ten mais puntos que l anho passado i inda fáltan dous jogos. Speramos que todo acabe inda melhor.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
