Apuis de la giente de Sendin i alredores quedar a saber que se iba a fazer l IC5 i de béren l traçado puls cafés, ampeçórun a aparcer uas marcas cor de rosa, cumo la que bedes an riba de la strada que bai para Atanor i por alguas tierras i caminos.
La marca na strada
Cumo siempre acuntece nestas oucasiones i para nun ser çfrente, uns dízen uas cousas i outros outras i naide sabe la berdade, mas pul si pul nó. L melhor ye, ls que ténen tierras por onde passa la strada, béren quanto le bai a apanhar la strada i quando aparecíren uns tius a poner marcas azules, tratar de las spropriaçones.
L traçado
Cuido que ye ua falta de respeito mui grande por la giente, quier de la Câmara, quier de la Junta, al nun fazéren un sclarecimento a las pessonas i mostráren por onde bai a passar, ls sítios de passaige, las cundiçones de proteçon de ls caminos para las tierras i las antradas i salidas para l IC5.
De la staçon até la Mina
Stan a pedir para las pessonas facelitáren ls spropriaçones, mas tamien hai que facelitar la anformaçon de modo eigual a toda la giente.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
