Apuis de ls porblemas antre jogadores i alguns assistentes als jogos, an Sendin, la eiquipa quedou solo cun onze jogadores, yá que ls outros se recusórun a jogar an Sendin, porque nun stan para oubíren chamar-le denomes por todo i por nada. Quando hai eileiçones, ye siempre la mesma cousa an Sendin.
Ne l ultimo jogo l Sendin jogou melhor
Poderie tener marcado
Ls jogadores ampéçan l jogo bien, mas ls nerbos acában por tomar cuonta de todos i quando assi ye, nada puode correr bien. Fálhan-se golos de baliza abierta i alguns spetadores, an beç de animáren la eiquipa, apóian las eiquipas de fuora. Se la politica ye esto, hai que tomar ciertas decisones, yá ye tiempo de Sendin deixar de ser de meia dúzia.
L jogo parecie un jogo de solteiros i casados
Cada un para sou lado
Ye ua pena ber cumo meia dúzia de pessonas, solo pensa ne ls lugares que dán denheiro i para ls agarrar fázen todo, mesmo bendendo a Sendin i ponendo a mal las familhias. Dezie-me onte un sendinés que stá fuora, you gusto de ir a onde me puoda rir i nó adonde recíben las pessonas a palos.
Mais ua jogada sien culidade nanhue
Yá stan a ser tomadas decisones, que ban a poner las cousas cumo dében de ser i de modo a Sendin tornar a ser la tierra mais amportante de l cunceilho. Perder cun Poiares por 2-0 fui mais ua motibaçon para alguns sendineses queréren antrar al sério na politica.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
