SENDIN – 0
L Campeonato de Futebol de la 1ª. Debison Çtrital de Bergáncia stá a chegar al fin i l Sendin, mesmo cun todos ls cuntratiempos fizo l sou último jogo fuora i perdiu por 1-0, mas fazendo un buono jogo, que mereciu ls melhores quementairos de ls jornales.
L jogo fui an Rebordelo
Agora falta l último jogo an casa, que ye acontra l mirandés. Bai a ser un jogo de nérbios, yá que ye l dérbi de l Praino que para nós ye cumo l Benfica - Porto nacional. Porque ye l último jogo queremos que cuorra l melhor possible, sien qualquiera cunfuson, yá que la relaçon antre las direçones ye buona i l mirandés fizo acá la maiorie de ls sous jogos.
L Sendin dou luta
Todos queremos que l Sendin ganhe, mas que seia por tener sido melhor ne l jogo, se nó que todos sában aceitar l resultado, porque la amizade antre ls dous clubes debe ser l mais amportante, porque para l anho hai mais campeonato i se ampeçaren las obras de l nuosso campo teneremos que jogar an Miranda.
L Sendin todo fizo por ampatar
Se queremos mostrar la nuossa fuorça, que seia para eisigir un campo cun cundiçones i nó atacar ls jogadores ou ls mirandeses.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
