Hoije ye l die de Pertual i nós tamien tenemos la oubrigaçon de falar de las celebraciones de l die i dezir algo subre el. Hai quien nun guste que se fale de las cousas, porque eilhes sáben todo, mas nun se lémbran que hai siempre quien guste de saber tamien i até de relhembrar l que yá nun ten presente.
Camões
Luís Vaz de Camões (c. 1524 — 10 de Junho de 1580) ye cunsiderado cumo l maior poeta de léngua pertuesa i de ls maiores da Houmanidade. L sou génio ye cumparable al de Virgílio, Dante, Cervantes ou Shakespeare; de las sues obras, la eipopeia Os Lusíadas ye la mais amportante. Fui l die de la muorte deste poeta l scolhido para die de Pertual.
Cavaco Silva
Outro de ls simblos de Pertual ye l Persidente de la Republica. Seia el qual fur, zde que eileito puls pertueses, ten que ser respeitado inda que las nuossas eideias politicas seian çfrentes. Son las sues palabras que mos quijo trasmitir hoije que dében serbir para pensarmos bien. Mas perguntamos nós: Sien moralizar ls partidos tenemos mesmo que botar?
António Barreto
Deixei la pergunta, mas dou-bos tamien las palabras de l respunsáble por las celebraciones, l tamien eilustre pertués, que ye António Barreto:
“Contra a decadência moral e cívica, os portugueses terão mais a ganhar com o exemplo do que com discursos pomposos. Pela recompensa ao mérito e a punição do favoritismo, os portugueses seguirão o exemplo com mais elevado sentido de justiça”.
L HOIJE deixa-bos tamien ua mensage, todos ls cunseilhos respeitarás, mas solo l tou seguirás , diç l pobo i l HOIJE diç: hai que botar, mas mirando siempre pal eisemplo de bida de ls que quíeren l boto.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
