9. Ouracion al meter l pan ne l forno
San Bicente t’acrecente,
San Juan faga bun pan,
Santa Marie te creça pa riba
i Jasus pul mundo todo.
Un Padre Nuosso i ua Abe Marie.
Anformante Albertina Moreno
Recuolha de Amadeu Ferreira (2002)
Bariante de la mesma ouracion:
San Bicente t’acrecente,
San Juan faga bun pan,
La debina probidéncia
Dé pan pa la sue ménsia.
An nome de l Pai, de l Filho i de l Sprito Santo.
Amen.
Anformante Maria Teresa Melgo (83 anhos)
Recuolha José Angélico (2006)
Nota: anquanto se diç l’ouracion bai-se fazendo l sinal de la cruç, cula pala de meter l pan, na boca de l forno.
