TESOUROS DE LA LHITERATURA MIRANDESA (3)
Ró Ró
Esta cantiga de arrulhar stá publicada na coleçon Rosa do Mundo. 2001 Poemas para o Futuro, Assírio & Alvim, pp. 769-771, adonde s’antentou ajuntar alguns de ls melhores poemas feitos çque se conhece poesie srebida. La scuolha fui feita por Ana Paula Guimarães, que yá habie dedicado un amportante studo a esta cantiga popular mirandesa [ GUIMARÃES, Ana Paula (2000) A Mulher, o amante, o marido e o infante, Nós de Vozes. Acerca da Tradição Popular Portuguesa. Lisboa, ed. Colibri, pp. 36-50].
Cabeça de burro,
bocé nun m’antende?
L pai de l nino
Na cama se stende.
Ó ró, ró! Ó ró, ró!
Q’agora nó!
Ó ró, ró! Ó ró, ró!
Q’agora nó!
Bocé nun m’antende?
Cabeça de burro,
L pai de l nino,
Ouserba tudo...
Ó ró, ró! Ó ró, ró!
Q’agora nó!
Ó ró, ró! Ó ró, ró!
Q’agora nó!
Se tu quieres i you quiero,
todo se ha de arranjar.
Ó ró, ró! Ó ró, ró!
Q’agora nó!
Ó ró, ró! Ó ró, ró!
Q’agora nó!
Sou mulhier subreciente
Pa la casa gobernar.
Ó ró, ró! Ó ró, ró!
Q’agora nó!
Ó ró, ró! Ó ró, ró!
Q’agora nó!
You manhana,
Bou pa l molino,
Se me quieres algo,
Sal-me al camino.
Ó ró, ró! Ó ró, ró!
Q’agora nó!
Ó ró, ró! Ó ró, ró!
Q’agora nó!
Anda daí, ben-te cumigo,
Garra la tue capa i bamos
Ó ró, ró! Ó ró, ró!
Q’agora nó!
Ó ró, ró! Ó ró, ró!
Q’agora nó!
L camino ye de todos,
La capa ye de nós ambos.
Ó ró, ró! Ó ró, ró!
Q’agora nó!
Ó ró, ró! Ó ró, ró!
Q’agora nó!
Canta l galho, ye de die,
Reloijo de ls namorados!
Ó ró, ró! Ó ró, ró!
Q’agora nó!
Ó ró, ró! Ó ró, ró!
Q’agora nó!
Acorda tu miu amor,
nun mos áchen descuidados.
Ó ró, ró! Ó ró, ró!
Q’agora nó!
Ó ró, ró! Ó ró, ró!
Q’agora nó!
Recuolha de António Maria Mourinho, Cancioneiro Tradicional e Danças Populares, 1º vol., Miranda do Douro, 1984, pp. 219-22.
Nota d’Antroduçon i puosta cunsante la Cumbençon Ourtográfica de la Lhéngua Mirandesa por
Amadeu Ferreira
16 de Nobembre de 2006
