6. Ouracion de las sestas
Alhá ribita an Belén
A quatro léguas de l Calbário
Staba ua mulhier
Toda bestida de branco.
Preguntou: - Mulher crestiana
Se passou aqui Jasus.
- Si Senhora que passou
Cula cruç a sus ombros
De madeiro mui pesado.
Cumo la cruç era nuoba
Trés bezes l’anruliou
Trés bezes beisou la tirra
Cun sous santíssemos lábios.
- Caminemos, caminemos
Até chegar al Calbário
I depriessa que chiguemos
Que yá l stan curceficando
Yá l arríncan las spinas
I l arremátan ls crabos
Yá le dan cul punhal
An sou debino costado.
Quien esta ouracion dezir
todas las sestas de l anho
sacará ua alma de pena
i la sue de l pecado.
Quien la sabe que la diga
Quien nó que la daprenda
Que a la hora de la sue muorte
La sue alma nun se perda.
Anformante: Albertina Moreno (76 anhos) – Sendin.
Recuolha de Carlos Ferreira (Dezembre de 1999)
N.B. - Esta ouracion tamien ten ua bersion meio an spanhol meio an mirandés.
