POETAS DE L DOURO
4. Grande poeta ye l pobo
Ls bersos que cuorren cumo populares fúrun feitos por algue pessona, nun se sabe quien nien quando nien adonde. Cumo gustou muito deilhes, l pobo, un die, agarrou-los i fiç-los sous. Por esso l pobo nun ye un poeta, mas l nome de muitos poetas de que nun se guardou l nome. Eiqui queda, cumo purmeira scuolha desses poetas, esta quadra tan delorida i zancantada:
Fui al Douro a la bendímia
Nun achei que bendimar
Bendimórun-me las costielhas
Ye l que fui alhá a ganhar.
Traduzido l die 1 de Maio de 2006
por Amadeu Ferreira
Abiso:
Este testo, cunsante las regras de la Cumbençon Ourtográfica de la Lhéngua Mirandesa i de la sue Purmeira Adenda, stá solo screbido cun L- an percípio de palabra, a la moda de l mirandés de Sendin.
